طلبة الثانوية العامة

طبعا انا مؤمنة جدا بأن
الرأي الحر يعبر عن ذات الانسان
احنا طلبة فى سنة تانية ثانوي
يعنى من زمان واحنا عارفين ان الثانوية دي معركة الى بيدخلها يا قاتل يا مقتول
ولازم نبذل فيها مجهود علشان ندخل طب وصيدلة وهندسة
ولان الناس كلها بتاخد دروس اكيد طبعا كلنا هاناخد دروس
لان حتى الى مش هاياخد هايحس انه بيقصر فى حق نفسه
مسألة الدروس قضية مجتمع واحنا مالناش ذنب فيها
ومن رأيي ان الوزارة لو عايزة تمنع الدروس كانت عملت
بس الوزارة اليومين دول بتحارب الطلبة مش بتحارب الدروس
اعلنت حرب باردة واحنا الضحايا
بدأت خطة الحرب بالعكس
اول حاجة تجبرنا اننا نروح المدرسة كل يوم
علشان تضغط علينا مانلاقيش وقت وماناخدش دروس
انا مانكرش انى بستفيد من المدرسة لكن مش من كل الحصص
مشكلة المدارس المصرية ان الحصص والمدرسين بتبقى بالاجبار
انما الدروس بنختار المدرسين
وده طبعا النظام الى فى امريكا ودول اوروبا
الناس دي بجد تعرف ازاى تعليم وازاى تخرج اجيال مثقفة ومتعلمة بطريقة تكنولوجية
احنا فعلا التعليم التكنولوجى دخل مصر
لكن هيهات يدخل عقول كل طلبة مصر
لاننا لسة بدرى علينا جدا بنظام تعليمنا ده
المناهج الى بنصمها من الجلدة للجلدة ونروح نحطها فى ورقة الامتحان وبعد كدة حدث ولا حرج لو سألنا الطالب فى المعلومة بعد اسبوع من الامتحان كانه اول مرة يسمعها فى حياته
,,,
الطلبة الى انا واحدة منهم
يمكن اكون مختلفة عن كتير منهم
لكن بما انى واحدة منهم بقول ان مفيش ولا طالبة عندها طموح غير نادر جدا جدا
حتى المتفوقات طموحهم عالى لكن على قدهم
وهى دى الفكرة الى بندور حواليها
ان جودة المدرسة كلمة سهلة تتقال لكن صعب جدا جدا انها تتنفذ على واقع طالبات المدرسة
مش مدرسة الدكتور ربيع بس وكل مدارس مصر
...
دايما نفسنا نبقى زى امريكا والدول المتقدمة ! بس ازاى واحنا اصلا ما بنحترمش الطالب
وبنعاملة وعاملة غير ادمية ,, مناهج كلها حشو , مع اننا ممكن نشيل الحشو ده ونحط معلومات كتير مهمة جدا للطلبة
لكن هييييييهات , لازم يهدو فى حيل الطلبة اكيد
انا طبعا مش معارضة لكل حاجة
لكن بجد حال التعليم فى مصر خيب املى
لان طموحى عالى جدا
وحاسة انى فى مصر هاضيع ومش هايبقالى قيمة
صحيح الانسان الى بيصنع نجاحه
لكن الظرووف صعبة اوى اوى
اتمنى ربنا يسهالها يارب

( انا اسفة لانى فعلا طولت فى الكلام )
واسفة اذا كنت تعديت حدودى
وشكرا لاساتذتى الكرام